Gjak në urine

Urina me gjak zakonisht është e pranishme në rastet me probleme të rëndësishme urologjike. Nuk duhet injoruar, pasi në disa raste mund të jetë shenjë për sëmundje neoplazike. Gjaku mund të jetë i dukshëm (hematuria makroskopike) ose mikroskopik.

Masë testikulare ose dhimbje persistente

Masat testikulare duhet të ekzaminohen nga urologu. Në rastet kur dhimbja testikulare është e pranishme për më tepër se dy javë, rekomandohet një ekzaminim i detajuar. Fatmirësisht, tumoret testikulare, nëse kapen herët, janë nga llojet e sëmundjeve malinje që përgjigjen më mirë ndaj trajtimit.

Inkontinenca urinare

Inkontinenca urinare ose rrjedhja e urinës mund të afektojë shumë cilësinë e jetës. Fatmirësisht, ka shumë alternative trajtimesh, qoftë me mjekim, ndërhyrje joinvazive apo kirurgji.

Anomali të veshkave të zbuluara gjatë ekzaminimit imazherik

Në rast se janë të pranishme anomaly në veshka, është e domosdoshme konsulta me një mjek urolog pasi mund të jemi përpara një shenje tumori.

Rritje e nivelit të PSA-së

Gjendra e prostatës prodhon antigjenin specifik të prostatës (PSA). Në rast se nivelet e PSA-së janë të larta, kjo mund të jetë indicator për sëmundje të prostatës ku përfshihen edhe ato malinje.

Urinim i dhimbshëm

Dhimbja gjatë urinimit ndeshet në shumë problematika urologjike. Edhe kur gjaku nuk është i pranishëm, shpesh dhimbja është shenjë infektioni.

Infertiliteti mashkullor

Mjeku urolog mund të kryejë një kontroll gjithëpërfshirës për të zbuluar arsyen e infertilitetit.